भक्तपुरको मध्यपुर ठिमीमा एक व्यक्तिले आफ्नै कन्चटमा गोली हानेर आत्महत्या गरेका छन् ।
ठिमी नगरपालिका–६, राईटोलमा बस्दै आएका ४० वर्षीय सनिप चाम्लिङ राईले सोमबार दिउँसो आफ्नै कोठामा गोली हानेका हुन् ।
प्रहरीका अनुसार राईले साढे चार तले पक्की घरको चौथो तलामा रहेको आफ्नै कोठाको चुकुल लगाएर दिउँसो साढे ३ बजेतिर आत्महत्या गरेका हुन् । घटनास्थलबाट ’जिएस–५’ लेखिएको जर्मन बन्दुक बरामद गरिएको प्रहरीले जनाएको छ ।
अविवाहित रहेका राईले प्रयोग गरेको उक्त हतियार अवैध हो वा इजाजत प्राप्त भन्ने विषयमा प्रहरीले अनुसन्धान गरिरहेको छ । उनी सुरक्षाकर्मी हुन् वा सर्वसाधारण भन्ने खुल्न बाँकी छ ।
Visited 23 times, 1 visit(s) today
Leave a Reply